ISAW'rrrraaaapppp!:))))

 

     Ayaw makinig sa guro, walang sagot sa takdang-aralin o sadyang tinatamad lang. Yan ay isa lamang sa mga maaaring dahilan kung bakit hindi pumapasok ang isang estudyante sa klase. Ngunit, wala sa mga yan ang dahilan ng hindi ko pagpasok sa aming Accounting na klase noong ako ay nasa ika-apat na taon ng hayskul. Hindi ako pumasok dahil gusto kong maabutan ang nagtitinda ng isaw sa likod ng aming paaralan dahil twing uwian na namin ay ubos na ito.

      Alam naman nating lahat na hindi ito mahal at abot kaya ng tao.Hindi lang din ako ang nasasarapan dito,kung hindi halos karamihan ng mga Pilipino. "Mas mura ... Mas patok sa tao."

     Ang isaw ay maaaring bituka ng baboy o ng manok. Syempre, ito ay nililinis muna ng maraming beses, ilalagay sa stick at iiihaw. Hindi lamang sa likod ng aming paaralan makakabili ng isaw. Napakaraming lugar na kung saan ay may nagbebenta nito. Pareho lang din ang proseso ng paggawa o pagluto ngunit nagkakatalo lamang sila sa sawsawan na sila mismo ang gumagawa.

     Masasabi kong wala masyadong naidudulot na mabuti ang pagkain ng isaw o ng kahit anong "street foods", ngunit hindi naman masamang kumain nito basta huwag lang araw-araw. Kahit wala masyadong naidudulot na sustansya ang isaw, nakakapagpasaya pa din sa akin ang pagkain nito. Ilang dekada man ang dumaan, wala pa din makakatalo sa isaw sa likod ng paaralan namin at ng sa UP!:))

Maria Veronica Burac

1T1